ຂ.ອຸດົມໄຊ 12 ຄອບຄົວ ຈະໄດ້ ຄ່າຊົດເຊີຍ

ປະຊາຊົນທີ່ຖືກຜົນກະທົບຈາກໂຄງການ ສ້າງທາງຣົດໄຟ ລາວ-ຈີນ ຈຳນວນ 12 ຄອບຄົວ ຢູ່ບ້ານຫ້ວຍຂຸມ ເມືອງໄຊ ແຂວງອຸດົມໄຊ ຈະໄດ້ຮັບຄ່າຊົດເຊີຍ ພາຍໃນວັນທີ 18 ມິຖຸນາ ນີ້ ເຊິ່ງຈະເປັນຊຸດທຳອິດ ໃນແຂວງອຸດົມໄຊ ທີ່ຈະໄດ້ຮັບຄ່າຊົດເຊີຍ ຜ່ານການໂອນເຂົ້າ ບັນຊີທະນາຄານ; ໂດຍແຕ່ລະຄອບຄົວ ໄດ້ເປີດບັນຊີ ທະນາຄານໄວ້ແລ້ວ ຕາມການເປີດເຜີຍ ຂອງເຈົ້າໜ້າທີ່ ເມືອງໄຊ ທ່ານນຶ່ງ ຕໍ່ວິທຍຸ ເອເຊັຍເສຣີ ວ່າ:

"ຊຸດທີນຶ່ງສິໄດ້ຮັບວັນທີ 18 ນີ້ແຫຼະ ສິເຣີ້ມຊຸດທີນຶ່ງດຽວນີ້ ຕໍ່ໄປໆຈັ່ງໄດ້ໄປໆ ໃຫ້ຊຸດນີ້ມີແຕ່ບ້ານຫ້ວຍຂຸມ ທົດລອງຊື່ໆນະ 12 ຄອບຄົວ."

ເຈົ້າໜ້າທີ່ກ່າວຕື່ມວ່າ ການຊົດເຊີຍຈະຄ່ອຍໆດຳເນີນໄປ ເປັນເຣຶ່ອງຍາກທີ່ຈະໃຫ້ໄດ້ ໝົດທຸກຄົນບາດດຽວ ຍ້ອນບາງບ່ອນ ຍັງບໍ່ທັນ ສັງລວມຂໍ້ມູນ ຖືກຜົນກະທົບໄດ້ເທື່ອ ແຕ່ເດີມ ປະຊາຊົນບ້ານຫ້ວຍຂຸມ ທີ່ຈະຖືກຜົນກະທົບ ຈາກໂຄງການນີ້ມີຮອດ 40 ຄອບຄົວແຕ່ວ່າ ໄດ້ຫຼຸດ ຈຳນວນລົງບໍ່ຮອດ 40 ຄອບຄົວແລ້ວ ເນື່ອງຈາກທາງໂຄງການ ໄດ້ປັບປ່ຽນເອົາດິນສງວນ ຂ້າງທາງຣົດໄຟເບື້ອງລະ 30 ແມັດ ຈາກແຕ່ກ່ອນຈະເອົາປະມານເບື້ອງລະ 50 ແມັດ.

ເຖີງແມ່ນວ່າກ່ອນໜ້ານີ້ ມີຣາຍງານວ່າປະຊາຊົນ ບ້ານຫ້ວຍຂຸມ ປະມານ 20 ປາຍຄອບຄົງ ໄດ້ຮັບເງິນຈາກໂຄງການ ສ້າງທາງຣົດໄຟ ກໍຕາມ ແຕ່ເຈົ້າໜ້າທີ່ຢືນຢັນວ່າ ຍັງບໍ່ມີການຊົດເຊີຍ, ຂ່າວດັ່ງກ່າວສ້າງຄວາມສັບສົນ ທາງດ້ານຂໍ້ມູນ.

ເມື່ອບໍ່ດົນມານີ້ ທ່ານ ບູນຈັນ ສີນທະວົງ ຣັຖມົນຕຣີ ກະຊວງໂຍທາທິການແລະຂົນສົ່ງ ໄດ້ກ່າວຕໍ່ກອງປະຊຸມສະພາແຫ່ງຊາດວ່າ ທາງການ ຈະເລັ່ງຊົດເຊີຍເງິນ ໃຫ້ຜູ້ຖືກຜົນກະທົບ ຈາກໂຄງການສ້າງ ທາງຣົດໄຟ ລາວ-ຈີນ ນັບຕັ້ງແຕ່ທ້າຍເດືອນ ມີຖຸນາ ປີ 2018 ເປັນຕົ້ນໄປ ໂດຍເງີນທີ່ກຽມເອົາໄວ້ ສຳລັບຊົດເຊີຍ ມີປະມານ 2,492 ຕື້ກີບ ເຊິ່ງຈະມອບໃຫ້ການນຳ ແຕ່ລະແຂວງເປັນຜູ້ເບີກຈ່າຍ ໃຫ້ແກ່ປະຊາຊົນ ພາຍໃນແຂວງຂອງຕົນ.

ປັດຈຸບັນ ໂຄງການສ້າງທາງຣົດໄຟ ລາວ-ຈີນ ມີຄວາມຄືບໜ້າແລ້ວປະມານ 33% ສ່ວນວຽກງານຍົກຍ້າຍສິ່ງກີດຂວາງຍັງ ບໍ່ສຳເຣັດເທື່ອ. ທາງການລາວຄາດວ່າ ໂຄງການຣົດໄຟ ລາວ-ຈີນ ຈະສ້າງໃຫ້ສຳເຣັດ ພາຍໃນປີ 2021.

ແຫ່ລງຂ່າວມາຈາກ:https://www.rfa.org/lao/daily/economy/laos-families-affected-by-laos-china-rail-to-get-compensation-06132018084328.html

ໂຄງການ SOS ຂໍເພີ້ມ ງົບປະມານ

ໂຄງການ SOS ໃນສປປລາວ ຕຽມສເນີຂໍງົບປະມານຈາກຣັຖບານ ຕື່ມອີກຜູ້ລະ 70 ພັນກີບຕໍ່ເດືອນ ຊຶ່ງຜ່ານມາ ທາງໂຄງການໄດ້ ງົບປະມານຄ່າອາຫານ ອັດຕຣາການກິນ ຂອງເດັກນ້ອຍອາຍຸ 14 ປີຂຶ້ນໄປໄດ້ຄົນລະ 3 ແສນ 55 ພັນກີບຕໍ່ເດືອນ ແລະ ເດັກນ້ອຍ ອາຍຸຕໍ່າກ່ວາ 14 ປີ ໄດ້ຄົນລະ 2 ແສນ 75 ພັນກີບຕໍ່ເດືອນ, ດັ່ງເຈົ້າໜ້າທີ່ໂຄງການສູນ SOS ແຂວງຊຽງຂວາງ ກ່າວວ່າ:

“ຢ້ານວ່າ ກໍລະນີສາກົນບໍ່ຊ່ວຍ ລັດຖະບານເຮົາ ກໍຊິພິຈາລະນາ ເປັນໃນແງ່ນຶ່ງເນາະ ດຽວນີ້ ມີແຕ່ວ່າ ກະຕຽມສເນີທາງລັດຖະບານ ຫຼື ບັນດາແຂວງ ປະກອບສ່ວນເງິນ ອັດຕາກິນຊ່ວຍເດັກນ້ອຍຕື່ມຜູ້ລະ 70 ພັນກີບຕໍ່ເດືອນ ກໍາລັງກອງປະຊຸມ ກະຕຽມຢູ່ນີ້ ແຕ່ກໍຍັງສິສເນີ ຄນະ SOS ຂັ້ນແຂວງ ແລະຂັ້ນສູນກາງ ເພີ່ນສິຕົກລົງເຫັນດີຫຼືບໍ.” 

ທ່ານກ່າວຕື່ມວ່າ ຕົວແທນບັນດາເຈົ້າໜ້າທີ່ໂຄງການ SOS ທົ່ວປະເທດ ໄດ້ມີກອງປະຊຸມເມື່ອເດືອນ ກຸມພາ ທີ່ຜ່ານມາ ແລະຕົກລົງສເນີ ຂໍຂຶ້ນເງິນອັດຕຣາກິນ ດັ່ງກ່າວ ກັບຂັ້ນແຂວງແລະຣັຖບານ ແຕ່ຍັງລໍຖ້າຄນະກັມມະການ SOS ຂັ້ນສູນກາງ ວ່າຈະເຫັນດີນໍາຫຼືບໍ. ເພາະ ຜ່ານມາ ອົງການສາກົລຊ່ວຍເຫລືອ ກໍບໍ່ພຽງພໍແລ້ວ ດັ່ງນັ້ນ ຈຶ່ງຢາກໃຫ້ຣັຖບານ ປະກອບສ່ວນ ດ້ານງົບປະມານເພີ້ມຕື່ມອີກ:

“ສໍາລັບງົບປະມານຜ່ານມາ ມີແຕ່ເບື້ອງສາກົນ ໂຄງການ SOS ສນອງເປັນສ່ວນໃຫຍ່ ຄືຕົວຢ່າງ ຊຽງຂວາງ ເຮົາກໍຣະດັບ 30 ພັນ ຫາ 40 ພັນ ດອນລ່າ ຢູ່ຣະຫວ່າງນີ້ ຕໍ່ເດືອນ ຈະມີຄ່າຮຽນ ຄ່ານໍ້າ ຄ່າໄຟ ຄ່າອາຫານ ການກິນ ເຄື່ອງນຸ່ງຮວມຢູ່ຫັ້ນໝົດ ແຕ່ລະບ້ານ ອິງໃສ່ ບ້ານທີ່ມີເດັກຫລາຍ ມີເດັກນ້ອຍ.”

ທ່ານກ່າວເພີ້ມວ່າ ສະເພາະແຂວງຊຽງຂວາງ ມີຈໍານວນເດັກນັກຮຽນ ທີ່ຢູ່ໃນໂຄງການ SOS 165 ຄົນ ໃຊ້ງົບປະມານແຕ່ລະເດືອນ ປະມານ 280 ລ້ານກີບ ຫາ 400 ລ້ານກີບ. ປັດຈຸບັນ ໃນທົ່ວປະເທດລາວມີສູນ SOS ຢູ  6 ແຫ່ງ ຄື: ນະຄອນຫຼວງວຽງຈັນ, ແຂວງຊຽງຂວາງ, ແຂວງຫລວງພຣະບາງ, ແຂວງສວັນນະເຂດ, ເມືອງປາກເຊ ແລະເມືອງຊໍາເໜືອ ມີເດັກນ້ອຍທັງໝົດປະມານ 1 ພັນ ປາຍຄົນ.

ແຫ່ລງຂ່າວມາຈາກ:https://www.rfa.org/lao/daily/health/sos-urges-laos-government-funding-school-children-nutrition-05242018115617.html

ວັນປູກຕົ້ນໄມ້ ແຫ່ງຊາດ

ສະຖາບັນ ຊັພກອນໂລກ (World Resources Institutions)  ຖແລງວ່າ ໃນໄລຍະ 15 ປີຜ່ານມານີ້ ສປປ ລາວ ມີອັຕຣາການຫລຸດລົງ ຂອງພຶ້ນທີ່ປ່າ ຫລາຍທີ່ສຸດປະເທດນຶ່ງ ໃນໂລກ ເນື່ອງມາຈາກ ປັດໃຈຫລາຍຢ່າງ ບໍ່ວ່າຈະເປັນ ການພັທນາ ໂຄງ​ຮ່າງ​ພື້ນ​ຖານ, ການປ່ຽນຜືນປ່າ ມາເປັນເຂດອຸດສະຫະກັມ, ການໃຊ້ ທີ່ດີນປູກພືດເສຖກິຈ, ຮວມເຖິງ ການລັກລອບຕັດໄມ້. ສີ່ງເຫລົ່ານີ້ ລ້ວນແຕ່ເປັນໄພຄຸກຄາມ ທີ່ເຮັດໃຫ້ເນື້ອທີ່ປ່າໄມ້ ຫລຸດລົງ. ຕາມການສຳຫຼວດຂອງ ກະຊວງກະສິກັມ ແລະ ປ່າໄມ້,  ໃນປີ 1940 ການປົກຫຸ້ມປ່າໄມ້ ໃນລາວ ມີປະມານ 70% ຂອງເນື້ອທີ່ ທົ່ວປະເທດ ມາຮອດ 2018 ເນື້ອທີ່ປ່າໄມ້ ຍັງເຫຼືອພຽງແຕ່ 40% ເທົ່ານັ້ນ.

ປັດຈຸບັນ ທາງການລາວ ໄດ້ອອກມາຕການການຟື້ນຟູປ່າໄມ້ ໂດຍອີງໃສ່ ແຜນການພັທນາ ແບບຍືນຍົງ ຂອງອົງການສະຫະປະຊາຊາດ ແຕ່ນີ້ ຮອດປີ 2020 ຈະຍົກຣະດັບ ການປົກຫຸ້ມ ຂອງປ່າໄມ້ ໃຫ້ໄດ້ 70% ຂອງເນືໍ້ອທີ່ ທົ່ວປະເທດ ຫຼື ເທົ່າກັບ 16.5 ລ້ານເຮັກຕ້າ ໃນນັ້ນມີປ່າສະຫງວນ 4.7 ລ້ານເຮັກຕ້າ, ປ່າປ້ອງກັນ 8.2 ລ້ານເຮັກຕ້າ, ປ່າຜລິດ 3.1 ລ້ານເຮັກຕ້າຣ, ຟື້ນຟູປ່າ ທັມມະຊາດ 6 ລ້ານເຮັກຕ້າຣ ແລະ ປ່າປູກ 5 ແສນເຮັກຕ້າຣ ດ້ວຍການສົ່ງເສີມ ທຸກພາກສ່ວນເສຖກິຈ, ຜູ້ປະກອບການ ແລະ ຊຸມຊົນ ໃນສັງຄົມ ເຂົ້າຮ່ວມປູກຕົ້ນໄມ້.

ດັ່ງ ທ່ານ ລຽນທິແກ້ວ ຣັຖມົນຕຣີ ກະຊວງກະສິກຳ ແລະ ປ່າໄມ້ ກ່າວເຖິງ ແຜນການ ການຟື້ນຟູປ່າ ເນື່ອງໃນວັນປູກຕົ້ນໄມ້ ແຫ່ງຊາດ ປີນີ້ວ່າ:

"ເນື່ອງໃນໂອກາດ ວັນປູກຕົ້ນໄມ້ແຫ່ງຊາດ ໃນປີນີ້ ກະຊວງກະສິກຳ ແລະ ປ່າໄມ້ ຂອງ ອົງການປົກຄອງທ້ອງຖິ່ນ ທົ່ວປະເທດ ກະກຽມແຜນການ ແລະ ຂະບວນການປູກຕົ້ນໄມ້ ຢູ່ທ້ອງຖິ່ນ ສະນັ້ນປີນີ້ ຖືວ່າ ວາງແຜນການອອກເກັບແກ່ນໄດ້ 60,000 ກິໂລ ກ້າເບັ້ຽໄມ້ ໄດ້ 14 ລ້ານເບັ້ຽ ປູກໄມ້ໃຫ້ ໄດ້ 27 ພັນ ເຮັກຕ້າຣ  ພວກເຮົາ ໄດ້ສຸມໃສ່ ສອງມາຕການ ໃນຮ່າງນະໂຍບາຍໃໝ່ ອັນທີນຶ່ງ ແມ່ນເນັ້ນໃສ່ການຄຸ້ມຄອງ ການປົກຮັກສາ ປ່າທັມມະຊາດ ທີ່ມີຢູ່ໃນປັດຈຸບັນນີ້ນ່າ ບໍ່ໃຫ້ມັນຖືກທຳລາຍ ຕາມຄຳສັ່ງເລກທີ 15, ສອງ ແມ່ນສົ່ງເສີມການປູກໄມ້ ແລະ ຟື້ນຟູປ່າໄມ້ ໃສ່ບ່ອນປ່າໄມ້ ທີ່ມີຄວາມອຸດົມສົມບູນ ຂື້ນໄປເລື້ອຍໆ ແຕ່ວ່າ ໄດ້ມີ 3 ນະໂຍບາຍໃຫຍ່ ຢູ່ໃນດຳຣັ​ຖ ຮ່າງດຳຣັ​ຖນັ້ນ ໄດ້ຂຽນນີ້ ຫລາຍນະໂຍບາຍອອກມາ ແຕ່ຂ້າພະເຈົ້າ ຂໍສັງລວມມີ 3 ອັນ ມາຕການທີ 1 ການຄຸ້ມຄອງ ການປົກປັັກຮັກສາ ປ່າໄມ້ທັມມະຊາດ ສຸມໃສ່ ແມ່ນການຈັດແບ່ງເຂດປ່າໄມ້ ໃຫ້ຈະແຈ້ງ 1 ປ່າສງວນແຫ່ງຊາດ 2, ປ່າປ້ອງກັນ ເຂດປ່າປ້ອງກັນ ໂດຍສະເພາະ ເຂດປ່າສງວນແຫ່ງຊາດນີ້ ມັນກໍມີປ່າສງວນ ຂອງແຂວງ, ປ່າສງວນ ຂອງເມືອງ, ປ່າສງວນ ຂອງບ້ານ ທີ່ກຳນົດ ຈະແຈ້ງ ເຂດປ່າປ້ອງກັນ ແຫ່ງຊາດ ຂອງແຂວງ ຂອງເມືອງ ຂອງບ້ານ ພ້ອມທັງ ການວາງມາຕການຄຸ້ມຄອງ ປົກປັກຮັກສາ ທີ່ໄດ້ກຳນົດໄວ້ ຢຸູ່ໃນດຳຣັຖ ຂອງນາຍົກເລກທີ 134 ອັນນີ້ ປະຕິບັດ ຢ່າງເຂັ້ມງວດ ແລະ ດຳຣັຖ ເລກທີ 133 ຂອງນາຍົກ."

ນັກວິຊາການ ທ່ານນຶ່ງ ໄດ້ກ່າວວ່າ ເຖີງແມ່ນວ່າ ທາງການລາວ ໄດ້ກຳນົດ ເອົາວັນທີ 01 ມີຖຸນາ ເປັນວັນປູກຕົ້ນໄມ້ແຫ່ງຊາດ ເພື່ອປູກຈິດສຳນຶກ ໃຫ້ຄົນລາວ ຮັກ ແລະ ຫວງແຫນ ປ່າໄມ້ ທີ່ມີຄຸນປໂຍດ ອັນໃຫຍ່ຫລວງ ຕໍ່ກັບການດຳລົງຊີວິດ ຂອງຄົນລາວ ມາແຕ່ໃດມາກໍຕາມ.  ການປູກຕົ້ນໄມ້ ແຕ່ລະປີ ນັ້ນ ເປັນພຽງພິທີການ ທີ່ປະຕິບັດກັນມາ ໃນແຕ່ລະປີ ເທົ່ານັ້ນ  ເມື່ອສັງລວມແລ້ວ ຍັງບໍ່ທັນໄດ້ຮັບໝາກຜົນ ຢ່າງເປັນຮູບປະທັມ. ອຸປະສັກ ທີ່ທ້າທາຍ ຂອງ ຣັຖບານ ຄື ການຟື້ນຟູປ່າໄມ້ ນັບແຕ່ ປີນີ້ ໄປຈົນຮອດ ປີ 2020 ຈະໃຫ້ປ່າໄມ້ ກັບມາປົກຫຸ້ມ ທົ່ວປະເທດລາວ ໄດ້ 70% ມັນຈະເປັນໄປໄດ້ ຫຼື ບໍ່, ເພາະໄລຍະຜ່ານມາ ແຜນການດັ່ງກ່າວ ຍັງເຮັດບໍ່ໄດ້ ຍ້ອນວ່າ ຍັງມີການເຄື່ອນໄຫວ ຂົນໄມ້ ອອກນອກປະເທດ, ການລັກລອບ ການຕັດໄມ້ ແລະ ທີ່ສຳຄັນ ງົບປະມານ ທີ່ນຳໃຊ້ ເຂົ້າໃນການປົກປັກຮັກສາປ່າ ຍັງຂາດເຂີນ ອັນເປັນສາເຫດດເຮັດໃຫ້ປ່າໄມ້ ຫລຸດລົງ ທຸກມື້ນີ້. 

ດັ່ງວິຊາການ ທ່ານນີ້ ກ່າວຕື່ມວ່າ:

"ຍ້ອນຄວາມຕ້ອງການ ຂອງສັງຄົມ ການຕລາດ ມີຄວາມຕ້ອງການເນາະ ຜູ້ຂີ້ລັກ ມັນກາຢາກໄດ້ ການຫລຸດລົງ ມັນກາມີສ່ວນເນາະ ບໍ່ວ່າ ໃນເຂດໃດແຫລະ ປະຊາກອນ ມັນເພີ່ມຂື້ນ ການພັທນາ ມັນມີຄວາມຂັດແຍ່ງ ຣະຫວ່າງ ຜູ້ອານຸຮັກ ກັບຜູ້ຢາກໄດ້ ຢູ່ແລ້ວ ແຕ່ວ່າ ບໍ່ທັນຂ້ອນຂ້າງ ມີຄວາມຮຸນແຮງ."

ທາງການລາວ ກໍຍອມຮັບວ່າ ໃນໄລຍະ 15 ປີຜ່ານມາ  ປ່າສງວນແຫ່ງຊາດ ຫຼຸດລົງ ຢ່າງຫຼວງຫຼາຍ. ເນື່ອງຈາກ ການລັກລອບການຕັດໄມ້ ໃນເຂດປ່າສງວນແຫ່ງຊາດ ຢ່າງກ້ວາງຂວາງ ໂດຍມີ ເຈົ້າໜ້າທີ່ ພາກຣັຖ ເຂົ້າສົມຮູ້ຮ່ວມຄິດ ກັບນັກລົງທືນ  ເຊີ່ງເຮັດໃຫ້ປ່າໄມ້ ຍັງເຫລືອ 4 ລ້ານເຮັກຕ້າຣ ຫຼື 16% ຂອງເນື້ອທີ່ທັງໝົດ. ຍີ່ງໄປກວ່ານັ້ນ, ການກວດກາ  ເຂດສຳປະທານ ຫລາຍກວ່າ 200 ແຫ່ງທົ່ວປະເທດ ພົບວ່າ ມີການລ່ວງລໍ້າ ເຂົ້າໄປຕັດໄມ້ ໃນປ່າສງວນ, ປ່າປ້ອງກັນ ຢ່າງຫຼວງຫຼາຍ, ໂດຍອີງຕາມບົດຣາຍງານ ຂອງກະຊວງແຜນການ ແລະ ການລົງທືນ, ຣັຖບານ ໄດ້ໃຫ້ສັມປະທານ ທີ່ີດີນ ປູກພືດເສຖກິຈ ເຊັ່ນ ຢາພາຣາ, ຢູຄາລີບຕັດ, ອ້ອຍ, ສາລີ ແລະ ມັນຕົ້ນ  ຄິດເປັນເນື້ອທີ່ລວມ 572,000 ເຮັກຕ້າຣ, ໃນນັ້ນ ພາກຕົວຈີງ ພົບວ່າ ມີການລັກລອບຕັດໄມ້ ປ່າສງວນ ເຖີງ 1 ລ້ານເຮັກຕ້າຣ.

ເພື່ອສະກັດກັ້ນ ການລັກລອບ ການຕັດໄມ້ ແບບ​ຊະຊາຍ, ການຄ້າໄມ້ເຖື່ອນ ແລະ ໄພພິບັດທັມມະຊາດ,  ທ່ານ ທອງລຸນ ສີສຸລິດ ນາຍົກຣັຖມົນຕຣີ ໄດ້ອອກຄຳສັ່ງ ເລກທີ 15/ນຍ ເພື່ອປິດປ່າ ພ້ອມທັງ ຢືນຢັນວ່າ ຈະລົງໂທດພະນັກງານ ຣັຖທຸກຄົນ ທີ່ກ່ຽວຂ້ອງ ກັບການຄ້າໄມ້ເຖື່ອນ ຫຼື ຂັດຄຳສັ່ງ ຫ້າມບໍ່ໃຫ້ມີ ການອະນຸຍາດສັມປະທານ ປ່າໄມ້ ອີກຕໍ່ໄປ. 

ທ່ານ ທອງ​ລຸນ​ກ່າວ​ວ່າ:

"ຕໍ່ໄປ ຈະບໍ່ມີໂຄຕ້າ ເພາະວ່າ ຜ່ານມາເວົ້າເຣື່ອງ ໂຄຕານີ້ ເສັຽຫາຍຫລາຍ ຊັ້ນຄຳສັ່ງນີ້ ຢຸດສົ່ງອອກໄມ້ທ່ອນ ເດັດຂາດໂລດ ຜູ້ໃດຝືນ ບໍ່ໄດ້ ແຕ່ວ່າ ພວກລັກລອບ ຕ້ອງເຄັ່ງຂັດໃດ ຕ້ອງໄດ້ກວດໃດຜູ້ໃດ ກະຢ່າ ບໍ່ໃຫ້ມີເບື້ອງໜ້າເບື້ອງຫລັງ. ໄມ້ຢູ່ສນາມນຶ່ງ ບໍ່ໃຫ້ເຂື່ອນອອກມາສນາມສອງ ເດັດຂາດ ປະໄວ້ໃຫ້ລະ ຖ້າວ່າ ເອົາຈາກສນາມນຶ່ງ ຂົນມາສນາມສອງ ປະຊາຊົນ ໄປຕັດອີກ ເພາະວ່າ ພວກພໍ່ຄ້າ ເຂົາໄປຈ້າງ ປະຊາຊົນຕັດ ສ່ວນວ່າ ໄມ້ຜິດ ເຈົ້າຕັດເກີນບໍ່ເສັຽພັນທະ ຫຼື ລັກລອບຕັດ ຢຶດເປັນຂອງຣັຖໂລດ."

ຜົລຈາກ ການອອກຄຳສັ່ງ ຂອງນາຍົກ ເຮັດໃຫ້ ເຈົ້າໜ້າທີ່ ສາມາດຈັບກຸມ ການຄ້າໄມ້ເຖື່ອນໄດ້ ໃນຫລາຍແຂວງ ເຊັ່ນ  ແຂວງສະຫວັນນະເຂດ, ແຂວງ ອັດຕະປື, ແຂວງຄຳມວ່ນ, ແຂວງ ບໍລິຄຳໄຊ, ແຂວງ ຫລວງນໍ້າທາ, ແຂວງ ໄຊຍະບູຣີ, ແຂວງ ອຸດົມໄຊ ແລະ ແຂວງຊຽງຂວາງ ສ່ວນຫລາຍ ແມ່ນໄມ້ເຖື່ອນ ຈະສົ່ງອອກໄປ ວຽດນາມ ແລະ ຈີນ. ຫລ້າສຸດ ວັນທີ 20 ເດືອນເມສາ 2018, ນາຍົກໄດ້ສັ່ງປິດ ໂຮງເລື່ອຍໄມ້ 1,206 ແຫ່ງ ທີ່ກ່ຽວຂ້ອງ ກັບການລັກລອບຕັດໄມ້ ແລະ ຄ້າໄມ້ຜິດກົດໝາຍ ໃນນັ້ນ ໂຮງເລື່ອຍ ທີ່ບໍ່ໄດ້ຮັບອານຸຍາດ ຕາມຣະບຽບກົດໝາຍ 1,186 ແຫ່ງ ສ່ວນອີກ 20 ແຫ່ງ ກໍໄດ້ລັກລອບຕັດໄມ້ ໃນເຂດປ່າສງວນແຫ່ງຊາດ. ພ້ອມນີ້ ຍັງມີອີກ ຫລາຍກໍຣະນີ ທີ່ຍັງມີຜູ້ຣະເມີດຄຳສັ່ງ ຂອງທ່ານນາຍົກຣັຖມົນຕຣີ.

ບັນຫາ ທີ່ກ່າວມາຂ້າງເທີງນັ້ນ ເຮັດໃຫ້ ອົງການຈັດຕັ້ງສາກົນ ທີ່ກ່ຽວຂ້ອງ ໂດຍສະເພາະ ສະຖາບັນ ຊັພກອນໂລກ ຕ່າງກໍວິຕົກກັງວົນ ເຖິການປາບປາມ ຜູ້ລັກລອບຄ້າໄມ້ເຖື່ອນ ຂອງ ຣັຖບານລາວ ຢ້ານວ່າ ບໍ່ປະສົບສຳເລັດ  ເພາະຍັງມີ ພະນັກງານຣັຖ ທັງສູນກາງ ແລະ ທ້ອງຖິ່ນ ມີສ່ວນໄດ້ເສັຽ ກັບຂະບວນການນີ້  ດ້ວຍເງື່ອນໄຂ ຈຸດນີ້ ຈື່ງເຮັດໃຫ້ ສປປ ລາວ ຈະບໍ່ສຳເລັດຜົນ ໃນການປູກປ່າ.

ສ່ວນທາງດ້ານ ທ່ານ ສຸຊາດ ໄຊຍະກຸມມານ, ຫົວໜ້າກົມປ່າໄມ້ ກະຊວງກະສິກຳ ແລະ ປ່າໄມ້, ຍອມຮັບວ່າ ເປັນການຍາກ ແລະ ເປັນສີ່ງທ້າທາຍຫລາຍ ທີ່ຈະເພີ່ມການປົກຫຸ້ມ ຂອງປ່າໄມ້ລາວ ໃຫ້ເຖີງ70% ເພາະເຣີ້ມຈັດຕັ້ງ ແຕ່ປີ 2005 ເປັນຕົ້ນມາ ໄດ້ປະເຊີນກັບ ບັນຫາຫລາຍດ້ານ ທີ່ຮວມເຖີງ ບັນຫາການປະສານງານ ຣະວ່າງໜ່ວຍງານ ຂອງຣັຖບານດ້ວຍກັນ.

ແຫ່ລງຂ່າວມາຈາກ:https://www.rfa.org/lao/daily/environment/national-day-of-trees-planting-in-laos-06012018061153.html

ທາງ​ການ​ລາວ ຈະ​ຫລຸດ ​ແຮງ​ງານ​​​ ພາກ​ກະສິກຳ ​ໃນ​ເຂດ​ ນະຄອນຫຼວງວຽງຈັນ

ທາງ​ການ​ລາວຈະ​ຫລຸດກຳລັງ​ແຮງ​ງານໃນ​ພາກ​ກະສິກຳ ​ໃນ​ເຂດ​ນະຄອນຫຼວງ​ວຽງ​ຈັນ

​ໃຫ້​ໄດ້ 10 ​ເປີ​ເຊັນ​ຕໍ່​ປີ ດ້ວຍ​ການ​ສົ່ງ​ເສີມ​ໃຫ້​ນຳ​ໃຊ້​ເຄື່ອງ​ກົນຈັກ ​ແລະ​ເທັກ​ໂນ​ໂລ​ຈີ​ທັນ​

ສະໄໝ​ເຂົ້າ​ໃນ​ການ​ຜະລິດ​ຫຼາຍຂຶ້ນ.

ທ່ານ​ຫລ້າ ສາຍ​ນວນ​ທະ​ສິງ ຫົວໜ້າ​ພະແນກ​ກະສິກຳ ​ແລະ​ປ່າ​ໄມ້​ເຂດ​ນະຄອນ​ວຢືນຢັນ​ວ່າການ​ລົງ​ທຶນ​ໃນ​ພາກ​ອຸດສາ​ຫະກຳ ​ແລະພາກບໍລິການ​ຢູ່​ໃນ​ເຂດ​ນະຄອນ​ວຽງ

​ຈັນ ທີ່​ເພີ້ມຂຶ້ນຢ່າງຕໍ່​ເນື່ອງ​ໄດ້​ເປັນ​ຜົນ​ເຮັດ​ໃຫ້​ພື້ນ​ທີ່​ການ​ຜະລິດ​ດ້ານ​ກະສິກຳ​ໃນ​ເຂດ​ນະຄອນຫຼວງ​ວຽງ​ຈັນ​ຫລຸດ​ລົງນັບ​ມື້ ທັງ​ຍັງ​ເຮັດ​ໃຫ້​ກຳລັງ​ແຮງ​ງານ​ໃນ​ພາກ​ກະສິກຳ ​ມີ​ຈຳນວນຫລຸດ​ໜ້ອຍລົງ​ດ້ວຍ​ນັ້ນ ​ເຮັດ​ໃຫ້ມີ​ຄວາມ​ຈຳ​ເປັນ​ຢ່າງຍິ່ງ ທີ່​ຈະ​ຕ້ອງ​ແກ້​ບັນຫາ​

ດັ່ງ​ກ່າວດ້ວຍການ​ເພີ້​ມປະສິດທິພາບ​ໃນ​ການຜະລິດ​ດ້ານ​ກະສິກຳ​ຢ່າງ​ຮີບ​ດ່ວນ​ທີ່​ສຸດ

ທັງ​ນີ້​ດ້ວຍ​ການ​ສົ່ງ​ເສີມ​ໃຫ້​ນຳ​ໃຊ້​ເຄື່ອງກົນ​ຈັກ ​ແລະ​ເທັກ​ໂນ​ໂລ​ຈີ​ທີ່​ທັນ​ສະ​ໄໝ​ເຂົ້າ​ໃນ​

ການ​ຜະລິດ​ໃຫ້​ຫຼາຍ​ຂຶ້ນ ​ແລະ​ຈະ​ຕ້ອງ​ຫລຸດກຳລັງ​ແຮງ​ງາ​ນ​ໃນ​ພາ​ກກະສິກຳ​ລົງ​ໃຫ້​ໄດ້

​ສະ​ເລ່ຍ 10 ​ເປີ​ເຊັນ​ຕໍ່​ປີ ຈາກ​ປັດຈຸບັນ​ເຖິງ​ປີ 2020 ​ໂດຍ​ສະ​ເ​ພາະ​ແມ່ນ​ການ​ຫລຸດ​ຈຳ

ນວນຊາວນາ​ນັ້ນດັ່ງ​ທີ່​ທ່ານ​ຫລ້າ​ສາຍ ຢືນຢັນ​ວ່າ”

“ຄາດ​ໝາຍ​ນຶ່ງ​ທີ່​ໄດ້​ກຳນົດຢູ່​ໃນ​ມະຕິ​ກອງ​ປະຊຸມ​ໃຫຍ່​ຂອງ​ອົງຄະນະ​ພັກ ນະຄອນ

ຫຼວງ​ວຽງ​ຈັນ ​ເຮົາ​ຕ້ອງ​ຫລຸດ​ແຮງ​ງານຄົນ​ເຮັດ​ນາ​ນີ້ຫັ້ນລົງ​ໃຫ້​ໄດ້ 10 ​ເປີ​ເຊັນຕໍ່​ປີ ຊຶ່ງ​

ໃນ​ນີ້​ກໍ​ເຫັນ​ວ່າສະ​ເພາະ​ຄວາມ​ໝາຍ​ຂອງການ​ຫລຸດ​ແຮງ​ງານຊາວນາລົງ​ໃນ​ 10

​ເປີ​ເຊັນ​ໃນແຕ່ລະ​ປີຫັ້ນຂອງ​ກະສິກຳ​ເຮົາ​ແມ່ນ​ຕີ​ວ່າ​ການຫັນປ່ຽນ​ຈາກ​ການ​ເຮັດ​ນາ

ດ້ວຍຕີນ​ມືນີ້​ໄປ​ເຮັດ​ນາ​ດ້ວຍ​ນຳ​ໃຊ້​ກົນຈັກທັນ​ສ​ະ​ໄໝ ​ແລະ​ນຳໃຊ້​ວິທະຍາສາດ​

ເທັກ​ໂນ​ໂລ​ຈີ​ເຂົ້າ​ມາ​ແທນ.”

ທາງ​ດ້ານ​ພະ​ແນ​ກ​ແຜນການ ​ແລະ​ການ​ລົງທຶນ​ເຂດ​ນະຄອນ​ວຽງ​ຈັນ ລາຍ​ງານ​ວ່າ

ຍອດຜະ​ລິດ​ຕະພັນ​ລວມ ຫຼື (GDP) ​ໃນ​ນະຄອນ​ຫຼວງວຽງຈັນ​ໃນ​ປີ 2017 ມີ​ມູນ​ຄ່າ​

ລວມ41,182 ຕື້​ກີບ ຊຶ່ງ​ໃນ​ນີ້ພາກ​ອຸດສາຫະກຳ​ກວມ​ເອົາ 47 ​ເປີ​ເຊັນ ພາກ​ບໍລິການ

​ກວມ​ເອົາ36 ​ເປີ​ເຊັນ ​ແລະພາກກະສິກຳ​ກວມ​ເອົາ 17 ​ເປີ​ເຊັນ ຂອງ​ມູນ​ຄາ GDP ຊຶ່ງ

​ກໍ​ໝາຍ​ຄວາມພາກ​ອຸດສາຫະກຳ ​ແລະ​ພາກ​ບໍລິການ​ມີ​ຄວາມຕ້ອງ​ກາ​ນນຳ​ໃຊ້​ແຮງ

​ງານ​ຫຼາຍ​ກວ່າ​ພາກ​ກະສິກຳ​ນັ້ນ​ເອງ.

ສ່ວນ​ທ່ານ​ນາງ​ລຳ​ພອຍ ສີ​ອັກຄະ​ຈັນ ຫົວໜ້າ​ພະ​ແນ​ກ​ແຮງ​ງານ ​ແລະ​ສະ​ຫວັດດີກາ​ນ

ສັງຄົມ​ໃນ​ເຂດ​ນະຄອນ​ວຽງ​ຈັນ ຢືນຢັນ​ວ່າ​ເປົ້າ​ໝາຍ​ສຳຄັນ​ຂອງ​ການ​ພັດທະນາ​ດ້ານ

​ແຮງ​ງານໃນ​ຕະຫລອດ​ປີ 2018 ນີ້ຄືຄວບ​ຄຸມ​ອັດຕາ​ການ​ຫວ່າງ​ງານ ​ໃຫ້​ຢູ່​ໃນ​ລະດັບ​ບໍ່​

ເກີນ 2 ເປີເຊັນ ຂອງ​ຈຳນວນ​ແຮງ​ງານ​ທັງ​ໝົດ​ໃນ​ນະຄອນ​ວຽງ​ຈັນ ​ໂດຍ​ຈະ​ມີ​ການ​ພັດ

ທະນາ​ເພື່ອ​ຍົກ​ລະດັບ​ຝີ​ມື​ແຮ​ງງານ​ໃຫ້​ໄດ້ 15,000 ກວ່າ​ຄົນ ​ແລະ​ສົ່ງ​ເສີມ​ໃຫ້​ມີ​ການ​

ຈ້າງ​ງານ​ໃໝ່​ໃຫ້ໄດ້ 35,000 ກວ່່າ​ຄົນ ດ້ວຍ​ການຈັດ​ງານ​ຕະຫຼາດນັດ​ແຮງ​ງານ ​ເພື່ອ

ສ້າງ​ໂອກາດ​ໃຫ້​ຜູ້​ໃຊ້​ແຮ​ງ ງານ ​ແລະຜູ້​ອອກ​ແຮງ​ງານ​ໄດ້​ພົບ​ປະ​ເຈລະຈາ​ກັນ ​ໂດຍ​

ການຈັດ​ງານ​ຕະຫຼາດນັດ​ແຮງ​ງານ ຄັ້ງ​ທີ 1 ຂອງ​ປີ 2018 ​ເມື່ອ​ວັນ​ທີ 4 ຫາ 8 ພຶດສະ

ພາ​ທີ່ຜ່າ​ນມາກໍ​ປາກົດ​ວ່າ​ມີ​ບໍລິສັດ​ເອກ​ກະ​ຊົນ 250 ກວ່າ​ບໍລິສັດ​ໄດ້​ເຂົ້າ​ຮວມ​ໃນ​ງານ

ແລະໄດ້​ມີ​ການ​ຕົກລົງ​ຈ້າງ​ງານ​ໃໝ່ 2,000 ກວ່າ​ຄົນ ທັງ​ມີ​ແຮງ​ງານ​ທີ່​ລົງທະບຽນສະ

ໝັກ​ງານ​ໄວ້​ກັບ​ບໍລິສັດ​ເຫລົ່າ​ນີ້ຫຼາຍກວ່າ 3,000 ຄົນ.

​ໃນ​ຂະນະ​ທີ່​ທ່ານ​ທອງ​ລຸນ​ ສີ​ສຸ​ລິດ ນາຍົກລັດຖະມົນຕີ ຖະ​ແຫຼ​ງຍອມຮັບ​ວ່າ ຄຸນ​ນະ

ພາ​ບຝີມື​ແຮງ​ງານ​ລາວ ຍັງ​ຫ່າງ​ໄກ​ຈາກ​ລະດັບ​ມາດ​ຕະຖານ​ສາກົນ​ໃນ​ທຸກ​ດ້ານ ຈຶ່ງ​

ເຮັດ​ໃຫ້​ຈຳ​ເປັນ​ຈະຕ້ອງ​ເລັ່ງການ​ພັດທະ​ນາຢ່າງ​ຮອບດ້ານ ​ເພື່ອ​ລະດັບ​ຄຸນ​ນະພາ​ບ

ຝີ​ມືແຮງ​ງານລາວ​ໃຫ້​ສາມາດ​ແຂ່ງຂັນ​ໃນ​ຕະຫຼາດ​ແຮງ​ງານໃນ​ຕ່າງປະ​ເທດ​ໃຫ້​ໄດ້​

ຢ່າງ​ແທ້​ຈິງ ​ເພາະໃນ​ປັດຈຸບັນ​ແຮງ​ງານ​ໃນ​ລາວ​ໄດ້​ຕົກ​ຢູ່​ໃນ​ສະພາບ​ທີ່ບໍ່​ສາມາດ​ແຂ່ງ

ຂັນ​ກັບແຮງ​ງານ​ຕ່າງຊາດ​ໄດ້​ໃນ​ທຸກໆ​ດ້ານ​ຈຶ່ງ​ເຮັດ​ໃຫ້​ໄດ້​ຮັບ​ຄ່າ​ຈ້າງ​ໃນ​ອັດຕາ​ທີ່​ຕໍ່າ

​ນັ້ນ​ເອງ.

ແຕ່ຢ່າງ​ໃດ​ກໍ​ຕາມ ລັດຖະບານ​ລາວ​ໄດ້​ວາງ​ເປົ້າ​ໝາຍຈະ​ພັດທະນາ​ແຮງ​ງານ​ມີ​ຝີ​ມື​ໃຫ້​

ໄດ້ 658,000 ກວ່າ​ຄົນ​ພາຍ​ໃນ​ປີ 2020 ຫາກ​ແຕ່​ອົງການ​ແຮງ​ງານ​ສາກົນ (ILO) ກໍ

​ລະບຸ​ວ່າ​ລັດຖະບານ​ລາວ​ຈະ​ຕ້ອງ​ສົ່ງ​ເສີມ​ເອກ​ກະ​ຊົນ​ລາວ ​ແລະ​ຕ່າງ​ຊາດ​ໃຫ້​ລົງ​ທຶນ

​ເຂົ້າ​ໃນ​ການ​ພັດທະນາ​ການ​ສຶກສາ​ຊັ້ນ​ສູງ​ຫຼາຍ​ຂຶ້ນ ​ເພາະ​ການ​ຂາດ​ແຄນ​ງົບປະມານ

ຂອງລັດ​ຖະບານ​ລາວ​ເຮັດ​ໃຫ້​ບໍ່​ສາມາດ​ທີ່​ຈະ​ສ້າງ​ຕັ້ງ​ສະ​ຖາ​ບັນ​ການ​ສຶກສາ​ຊັ້ນ​ສູງ​ໄດ້

ຢ່າງ​ພຽງພໍໂດຍ​ເຫັນ​ໄດ້​ຈາກ​ມະຫາວິ ທະຍາ​ໄລ​ແຫ່ງ​ຊາດ​ລາວ ສາມາດ​ຮອງ​ຮັບ​ນັກ

​ສຶກສາໄດ້ 11,000 ກວ່າຄົນ​ໃນ​ຂະນະ​ທີ່​ມີ​ນັກຮຽນທີ່​ຈົບ​ມັດທະຍົມ​ປາຍ​ໃນ​ລາວ​ຫຼາຍ​

ກວ່າ 60,000 ຄົ​ມ​ໃນແຕ່ລະ​ປີ.

ແຫ່ລງຂ່າວມາຈາກ:https://lao.voanews.com/a/vt-authority-to-decrease-workers-in-agricutlure-sector-by-10-percents-per-year/4436654.html

ຂ. ​ຜົ້ງສາລີ ກາຍ​ເປັນ​​ເຂດ​ ເຊື່ອມ​ຕໍ່ດ້ານ ທ່ອງທ່ຽວ ລະຫວ່າງ​ ດຽນບຽນຟູ ​ກັບ​ ​ຫຼວງ​ພະ​ບາງ

ແຂວງ​ຜົ້ງສາລີກາຍ​ເປັນເຂດ​ເຊື່ອມ​ຕໍ່ການທ່ອງທ່ຽວລະຫວ່າງ​ເມືອງ​ດຽນບຽນຟູ ​ໃນ​ຫວຽດນາມກັບ​ແຂວງ​ຫລວງ​ພະ​ບາງ ທີ່​ບັນດາ​ນັກ​ທ່ອງ​ທ່ຽວທັງ​ຈາກ​ຢູ​ໂຣບ ​ແລະ​ຈີນ​ນິຍົມ​ຊົມ​ຊອບ​ຫລາຍ​ຂຶ້ນນັບ​ມື້.

ານອູ່​ຄໍາ ຕຸລາ​ພັນ ຮອງ​ຫົວໜ້າພະແນກຖະແຫຼງຂ່າວ-ວັດທະນະທຳ ແລະທ່ອງທ່ຽວ

ແຂວງ​ຜົ້ງສາລີ ​ໃຫ້ການ​ຢືນຢັນ​ວ່າ ບັນດາ​ນັກ​ທ່ອງ​ທ່ຽວຈາກ​ຢູ​ໂຣບ ​ແລະ​ຈີນ​ໄດ້​ເດີນ

ທາງ​ເຂົ້າມາ​ທ່ອງ​ທ່ຽວ​ໃນແຂວງຜົ້ງສາລີ ຫລາຍ​ຂຶ້ນນັບ​ມື້ ​ໂດຍ​ການທ່ອງທ່ຽວສ່ວນ​

ຫລາຍ​ຈະ​ເນັ້ນໜັກ​ໄປ​ໃນ​ດ້ານ​ວັດທະນາ​ທໍາ​ບັນດາ​ຊົນ​ເຜົ່າ ຊຶ່ງ​ໃນ​ປີ 2017 ຜ່ານມາ​ກໍ

​ປາກົດ​ວ່າມີ​ນັກ​ທ່ອງ​ທ່ຽວຈາກ​ຢູ​ໂຣບ ​ແລະ​ຈີນ​ຈໍານວນ​ຫລາຍ​ກວ່າ 2 ​ແສນ​ຄົນທີ່ເດີນ

ທາງ​ເຂົ້າມາ​ທ່ອງ​ທ່ຽວ​ໃນແຂວງຜົ້ງສາລີ ​ແລະ​ທີ່​ສໍາຄັນ​ກໍ​ຄື ບັນດາ​ນັກ​ທ່ອງ​ທ່ຽວ​ເຫລົ່າ

ນີ້ຍັງ​ພາກັນ​ນໍາ​ໃຊ້ແຂວງຜົ້ງສາລີ ​ເປັນ​ເຂດ​ເຊື່ອມ​ຕໍ່ການ​ເດີນທາງ​ໄປ​ມາ​ລະຫວ່າງ​ເມືອງ​

ດຽນບຽນຟູ​ໃນ​ຫວຽດນາມ ກັບ​ແຂວງ​ຫລວງ​ພະ​ບາງ​ອີກ​ດ້ວຍ ດັ່ງ​ທີ່​ທ່ານ​ອູ່​ຄໍາ​ຢືນຢັນ​ວ່າ

“ສະຖານ​ທີ່​ທ່ອງ​ທ່ຽວທີ່​ໂດດ​ເດັ່ນ​ກວ່າໝູ່ຢູ່​ໃນແຂວງ​ຜົ້ງສາລີນີ້​ແມ່ນ​ລາຍການ​ຢ້ຽ​ມ

ຢາມ ໝູ່ບ້ານຊົນ​ເຜົ່າ ​ແລ້ວ​ກໍ​ກວມ 69 ໝູ່ບ້ານ ຢູ່​ເມືອງຜົ້ງສາລີ ​ໄປ​ຫາ​ຊົນ​ເຜົ່າ​ອາ​

ຂ່າ ​ແລະ​ວກາ​ເມືອງ​ບຸນ​ເໜືອ ​ເຂົ້າ​ໄປ​ຫາ​ຊົນ​ເຜົ່າ​ພູ​ນ້ອຍອາ​ຂ່າ ​ແລ້ວກໍ​ເມືອງ​ບຸນ​ໃຕ້.

​ແລ້ວ​ກໍ​ອີກ​ດ້ານ​ນຶ່ງ ທີ່​ເປັນ​ແມ່​ແຮງ​ດຶງ​ດູດ​ນັກ​ທ່ອງ​ທ່ຽວຫັ້ນ ມັນ​ເປັນ​ທາງ​ຜ່ານ​ລະ

ຫວ່າງດຽນບຽນຟູ​ໄປ​ຫາ​ຫລວງ​ພະ​ບາງ ​ແລ້ວ​ກໍ​ຫລວງ​ພະ​ບາງ​ໄປ​ຫາດຽນບຽນຟູ​.

ນັກ​ທ່ອງ​ທ່ຽວສ່ວນ​ຫລາຍ​ຈະແມ່ນ​ນັກ​ທ່ອງ​ທ່ຽວຊາວ​ຢູ​ໂຣບ ມາ​ລົງ​ຢູ່ດຽນບຽນຟູ​ ​

ແລ້ວ​ຜ່ານເຂົ້າມາ​ດ່ານ​ເຕ່ຍຈາງ ​ແລ້ວ​ກະ​ມາ​ອອກ​ຢູ່​ເມືອງ​ຂວາ​ເນາະ. ນອກຈາກ​

ນັ້ນກໍ​ມີ​ນັກ​ທ່ອງ​ທ່ຽວຈີນ.”

ຕະຫລອດປີ 2017 ຜ່ານມານີ້ ນັກທ່ອງທ່ຽວຕ່າງ​ຊາ​ດເດີນທາງ​ເຂົ້າມາ​ທ່ອງ​ທ່ຽວໃນ

ແຂວງຫຼວງພະບາງທັງໝົດ 472,942 ຄົນ ກໍໄດ້ເປັນຜົນເຮັດໃຫ້ພາກທຸລະກິດ ບໍລິ

ການແລະທ່ອງທ່ຽວ ໃນແຂວງຫຼວງພະບາງ ມີລາຍຮັບຮວມ ຫຼາຍກວ່າ 170 ລ້ານໂດລາ

ຊຶ່ງ​ກໍ​ມີ​ສ່ວນ​ຢ່າງ​ສໍາຄັນ ​ໃນ​ການ​ເຮັດ​ໃຫ້​ເສດຖະກິດ​ຂອງ​ແຂວງ​ຫລວງ​ພະ​ບາງ​ເພີ້ມຂຶ້ນ

​ໃນ​ລະດັບ 8.4 ​ເປີ​ເຊັນ ​ແລະລາຍຮັບສະເລ່ຍຂອງປະຊາ​ເພີ້ມສູງຂຶ້ນ​ເປັນ 1,740 ​ໂດ​ລາ

ຕໍ່ຄົນ​ໃນ​ປີ 2017 ທັງ​ຍັງ​ປາ​ກົດ​ວ່າປະຊາຊົນທີ່ຢູ່ ໃນເຂດບ້ານພັດທະນາຫຼືທີ່ມີການພັດ

ທະນາລະບົບພື້ນຖານໂຄງລ່າງຢ່າງດີແລ້ວນັ້ນກໍມີສະເລ່ຍໄດ້ສະເລ່ຍສູງເຖິງ 4 ພັນ ໂດ

ລາ ຕໍ່ຄົນ ໃນປີດຽວກັນ ອີກ​ດ້ວຍ.

ສໍາລັບໃນປີ 2018 ນີ້ ພະແນກຖະແຫຼງຂ່າວ-ວັດທະນະທຳ ແລະທ່ອງທ່ຽວແຂວງ

ຫຼວງພະບາງ ກໍໄດ້ວາງເປົ້າໝາຍໄວ້ວ່າຈະດຶງ​ດູດ​ເອົານັກທ່ອງທ່ຽວ 785 ພັນຄົນ

ໃນນີ້​ແບ່ງເປັນນັກທ່ອງທ່ຽວຕ່າງຊາດ 550 ພັນກວ່າຄົນ ແລະນັກທ່ອງທ່ຽວພາຍໃນ

ຫຼາຍກວ່າ235 ພັນຄົນໂດຍເພີ່ມຂຶ້ນຈາກປີ 2017 ຄິດເປັນອັດຕາສະເລ່ຍເກີນກວ່າ

20 ເປີເຊັນ ອັນຈະເຮັດໃຫ້ພາກບໍລິການແລະທ່ອງທ່ຽວໃນແຂວງຫຼວງພະບາງມີລາຍ

ຮັບຫຼາຍກວ່າ 205 ລ້ານໂດລາ.

ໂດຍປັດໄຈທີ່ດຶງດູດໃຫ້ຊາວຕ່າງຊາດເດີນທາງມາທ່ອງທ່ຽວໃນເມືອງມໍລະດົກໂລກ

ຫຼວງພະບາງ ເພີ່ມຂຶ້ນຢ່າງຕໍ່ເນື່ອງ ກໍເພາະວ່າຊາວຫຼວງພະບາງ ຍັງຮັກສາໄດ້ທັງ

ວັດທະນະທຳ ຮີດຄອງປະເພນີ ວິຖີຊີວິດດັ່ງເດີມ ປະຫວັດສາດ ແລະທຳມະຊາດ

ສວຍງາມ ທັງຍັງສາມາດປະຕິບັດຕາມສົນທິສັນຍາທີ່ຕົກລົງໄວ້ກັບອົງການ

UNESCO ກ່ຽວກັບການປົກປັກຮັກສາມໍລະດົກໄດ້ຢ່າງເຄັ່ງຄັດ.

ສຳລັບ ໃນປີ 2018 ອັນເປັນປີທ່ອງທ່ຽວຂອງລາວ ດ້ວຍນັ້ນ ທາງການແຂວງ

ຫຼວງພະບາງ ໄດ້ວາງແຜນສົ່ງເສີມການທ່ອງທ່ຽວດ້ວຍ 7 ກິດຈະກຳຫຼັກຄືງານ

ປະກວດຂັບລຳພື້ນເມືອງ ຫຼວງພະບາງ ງານສະຫຼອງປີທ່ອງທ່ຽວລາວ 2018

ງານບຸນສົງການປີໃໝ່ລາວ ກິດຈະກຳຂີ່ລົດຖີບ ງານມະໂຫລານຮູບເງົາ ງານທີ່ສະ

ທ້ອນໃຫ້ເຫັນເຖິງຄວາມເປັນຫຼວງພະບາງ ແລະງານສຳມະນາວ່າດ້ວຍການທ່ອງ

ທ່ຽວແບບຍືນຍົງ ທັງຍັງຈະະມີງານບຸນປະເພນີ ຢູ່ເມືອງຕ່າງໆອີກເຖິງ 30 ກິດຈະ

ກຳອີກດ້ວຍ.

ໂດຍໃນປັດຈຸບັນນີ້ ທົ່ວແຂວງຫຼວງພະບາງ ມີໂຮງແຮມ-ຣີສອຣ໌ຕ 76 ແຫ່ງ, ບ້ານ

ພັກ 327 ແຫ່ງ ແລະຮ້ານອາຫານ 286 ແຫ່ງ ທີ່ຖືວ່າເປັນສ່ວນປະກອບສຳຄັນ ໃນ

ແຜນການ ພັດທະນາການທ່ອງທ່ຽວໃນລາວ ແຕ່ປີ 2016-2020 ຊຶ່ງລັດຖະບານ

ລາວ ໄດ້ວາງເປົ້າໝາຍທີ່ຈະສ້າງລາຍຮັບໃນພາກບໍລິການແລະທ່ອງທ່ຽວ ໃຫ້ໄດ້

ຫຼາຍກວ່າ 950 ລ້ານໂດລາ ໃນປີ 2020 ດ້ວຍການດຶງດູດນັກທ່ອງທ່ຽວຊາວຕ່າງ

ຊາດໃຫ້ໄດ້ເຖິງ 6 ລ້ານຄົນ ແລະ​ສະ​ເພາະ​ໃນ​ປີນີ້ ທາງ​ການ​ລາວ​ກໍ​ໄດ້​ວາງ​ເປົ້າໝາຍ

​ທີ່ຈະດຶງດູດເອົານັກທ່ອງທ່ຽວຊາວຕ່າງຊາດໃຫ້ໄດ້ 5 ລ້ານຄົນ ເພື່ອເຮັດໃຫ້ພາກບໍລິ

ການຂອງລາວ ມີລາຍຮັບເກີນກວ່າ 900 ລ້ານໂດລາ. ​ແຕ່​ຢ່າງ​ໃດ​ກໍ​ຕາມ ​ໃນ​ປີ 2017

ຜ່ານ​ມາ ກໍ​ມີ​ຊາວ​ຕ່າງ​ຊາດ​ເດີນທາງເຂົ້າມາ​ໃນລາວ 308 ລ້ານ​ກວ່າ​ຄົນ ຊຶ່ງ​ຫລຸດ​ລົງ

​ເຖິງ 8.73 ​ເປີ​ເຊັນ ທຽບ​ໃສ່​ປີ 2016.

ແຫ່ລງຂ່າວມາຈາກ:https://lao.voanews.com/a/lao-tourism-phongsaly/4423353.html

ໄພຮ້າຍຈາກການສູບຢາຂ້າຊີວິດຄົນເຖິງ 7 ລ້ານຄົນຕໍ່ປີ

ລາຍງານຈາກອົງການອະນາໄມໂລກ ຫຼື WHO (World Health Organization) ທີ່ເປີດເຜີຍອອກມາໃນວັນທີ 31 ພຶດສະພາທີ່ຜ່ານມາ ລະບຸວ່າໂທດຂອງຢາສູບທີ່ເປັນໜຶ່ງໃນສາເຫດທີ່ເກີດໂລກມະເຮັງນັ້ນ, ມັນຍັງໄດ້ສົ່ງຜົນໃຫ້ເກີດໂລກຫົວໃຈ ເຊິ່ງເຮັດໃຫ້ມີຜູ້ເສຍຊີວິດເຖິງ 3 ລ້ານຄົນຕໍ່ປີ.

ລາຍງານຈາກອົງການອະນາໄມໂລກລະບຸວ່າ ເຖິງແມ່ນວ່າຈໍານວນຜູ້ທີ່ສູບຢາຕັ້ງແຕ່ປີ 2000 ຈະຫຼຸດລົງຫຼາຍ, ແຕ່ກໍຍັງມີຄົນສູບຢາຢູ່ເປັນຈໍານວນຫຼາຍ. ນອກຈາກນີ້, ປະຊາກອນຢູ່ໃນໂລກຍັງຂາດຄວາມຮູ້ກ່ຽວກັບໂທດ ແລະ ຜົນກະທົບຕໍ່ສຸຂະພາບທີ່ເກີດຂຶ້ນຈາກການສູບຢາ.

ແລະ ຍັງໄດ້ລະບຸຕື່ມວ່າ ໃນແຕ່ລະປີ, ມີຜູ້ເສຍຊີວິດເຊິ່ງມີສາເຫດທີ່ກ່ຽວຂ້ອງກັບການສູບຢາຫຼາຍເຖິງ 7 ລ້ານຄົນ, ຜູ້ເສຍຊີວິດຈໍານວນ 890,000 ຄົນໃນຈໍານວນນີ້ມີສາເຫດມາຈາກການສູບຢາມືສອງ ຫຼື ແມ່ນການສູດຄວັນຢາສູບຈາກຄົນອື່ນເຂົ້າໄປ. ແຕ່ກໍຍັງມີຫຼາຍຄົນບໍ່ຮູ້ວ່າໃນຈໍານວນຜູ້ເສຍຊີວິດທັງໝົດນັ້ນເກືອບເຄິ່ງໜຶ່ງ ຫຼື ປະມານ 3 ລ້ານຄົນເສຍຊີວິດຈາກອາການໂລກຫົວໃຈ ລວມເຖິງອາການຫົວໃຈວາຍ ແລະ ເສັ້ນເລືອດຫົວໃຈຕີບ.

ທ່ານ ເທດຣອດ ແອດຮານອມ ເກເບຣເຍຊຸດ, ຜູ້ອຳນວຍການອົງການ WHO ກ່າວວ່າ: “ຄົນສ່ວນໃຫຍ່ຮູ້ວ່າການສູບຢາເປັນສາເຫດຂອງໂລກມະເຮັງ ແລະ ໂລກປອດ, ແຕ່ຄົນຈໍານວນຫຼາຍຍັງບໍ່ຮູ້ວ່າຢາສູບເປັນສາເຫດຂອງອາການຫົວໃຈວາຍ ແລະ ໂລກເສັ້ນເລືອດຫົວໃຈຕີບ”.

ໃນຄວັນຢາສູບມີສານເຄມີຫຼາຍກວ່າ 7,000 ຊະນິດ ເຊິ່ງລວມໄປເຖິງສານທາຣ໌ ແລະ ສານອື່ນໆທີ່ສາມາດສົ່ງຜົນໃຫ້ເສັ້ນເລືອດແດງຕີບ ແລະ ສ້າງຄວາມເສຍຫາຍໃຫ້ກັບເສັ້ນເລືອດໄດ້. ໃນຂະນະທີ່ນິໂຄຕິນ, ສານສໍາຄັນໃນຢາສູບ, ມີຄວາມກ່ຽວຂ້ອງກັບການເພີ່ມອັດຕາການເຕັ້ນຂອງຫົວໃຈ ແລະ ໂລກຄວາມດັນ. ນອກຈາກນັ້ນ, ອາຍພິດທີ່ປ່ອຍອອກຈາກຢາສູບກໍຄືອາຍຄາບອນມອນອອກໄຊນັ້ນ ມັນໄດ້ເຂົ້າມາແທນທີ່ອັອກຊິເຈັນໃນຮ່າງກາຍ ສົ່ງຜົນໃຫ້ອັອກຊິເຈັນທີ່ໄປລ້ຽງກ້າມເນື້ອຫົວໃຈໜ້ອຍລົງ.

ຈາກການສຳຫຼວດຈາກອົງການອະນາໄມໂລກພົບວ່າ ປະຊາກອນໂລກຈໍານວນຫຼາຍຍັງຄົງບໍ່ຮູ້ເຖິງຜົນກະທົບຂອງຢາສູບທີ່ມີຕໍ່ຫົວໃຈ ເຊັ່ນ: ປະຊາກອນໃນຈີນຫຼາຍກວ່າ 60 ສ່ວນຮ້ອຍ ບໍ່ຮູ້ວ່າການສູບຢາສົ່ງຜົນໃຫ້ເກີດອາການຫົວໃຈວາຍໄດ້, ປະຊາກອນຜູ້ໃຫຍ່ໃນອິນເດຍ ແລະ ອິນໂດເນເຊຍຫຼາຍກວ່າເຄິ່ງໜຶ່ງ ບໍ່ຮູ້ວ່າຢາສູບເຮັດເກີດເສັ້ນເລືອດຫົວໃຈຕີບໄດ້.

ແຫ່ລງຂ່າວມາຈາກ:https://laopost.com/2018/06/01/101114

ແຂວງສະຫວັນນະເຂດ ຈັດງານປະກວດແນວພັນເຂົ້າ ຄັ້ງທີ 2

ການຈັດງານປະກວດແນວພັນເຂົ້າ ຄັ້ງທີ 2 ໄດ້ຈັດຂຶ້ນຢູ່ສູນຄົ້ນຄວ້າ ແລະ ຂະຫຽາຍແນວພັນພືດທ່າສະໂນ ແຂວງສະຫວັນນະເຂດ ໃນວັນທີ 6 ເມສາ 2016 ທີ່ຜ່ານມາ ໂດຍມີທ່ານ ທັດສະກາ ສະພັງທອງ ຮອງຫົວໜ້າພະແນກກະສິກຳ ແລະ ປ່າໄມ້ແຂວງສະຫວັນນະເຂດ ທ່ານ ດຣ. ນາງ ພູດາໄລ ລັດວິໄລວົງ ຫົວໜ້າສູນຄົ້ນຄວ້າ ແລະ ຂະຫຽາຍແນວພັນພືດທ່າສະໂນ ທ່ານ ດຣ. ກັນຍາວິມ ກີຣະຕິກອນ ຜູ້ອຳນວຍການສູນພັນທຸວິສະວະກຳ ແລະ ເຕັກໂນໂລຊີຊີວະພາບແຫ່ງປະເທດໄທ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ

ໃນງານຄັ້ງນີ້ ຜູ້ເຂົ້າຮ່ວມງານໄດ້ມີການຊີມເຂົ້າແນວພັນໃໝ່ ເຊິ່ງຮວມມີເຂົ້າໜຽວໜຶ້ງສຸກ ແລະ ເຂົ້າຈ້າວທີ່ຫຸງສຸກແລ້ວ ໃນນີ້ຮວມມີເຂົ້າໜຽວທ່າດອກຄຳ 1 ທ່າສະໂນ ພັນເຂົ້າຈ້າວຫອມ ແລະ ພັນອື່ນໆ ໂດຍມີມວນຊົນໃຫ້ຄວາມສົນໃຈເຂົ້າຮ່ວມຊົມ ແລະ ຊີມຢ່າງຫຼວງຫຼາຍ ຈາກນັ້ນ ກໍໄດ້ມີການໃຫ້ຄະແນນໃນແບບຟອມທີ່ຄະນະຜູ້ຈັດງານໄດ້ແຈກຢາຍໃຫ້ ເພື່ອເປັນການເກັບກຳຂໍ້ມູນໃນການປັບປຸງແນວພັນເຂົ້າໃນຂັ້ນຕໍ່ໄປ ພ້ອມນັ້ນ ໃນງານຍັງໄດ້ມີການປະກວດແນວພັນເຂົ້າຕ່າງໆເຊັ່ນ ພັນເຂົ້າທີ່ມີສະມັດຖະພາບຜົນຜະລິດສູງ ພັນເຂົ້າທີ່ມີກິ່ນຫອມ ທົນນ້ຳຖ້ວມ ແລະ ຕ້ານທານຕໍ່ພະຍາດ ໂດຍມີຄະນະກຳມະການໄດ້ຕັດສິນຕາມມາດຖານ ແລະ ຄຸນະພາບຂອງພັນເຂົ້າແຕ່ລະປະເພດ ເຊິ່ງການຈັດງານຄັ້ງນີ້ແມ່ນການຮ່ວມມືລະຫວ່າງສູນຄົ້ນຄວ້າ ແລະ ຂະຫຽາຍແນວພັນພືດທ່າສະໂນ ແຂວງສະຫວັນນະເຂດ ແລະ ສູນພັນທຸວິສະວະກຳ ແລະ ເຕັກໂນໂລຊີຊີວະພາບແຫ່ງປະເທດໄທ ຮ່ວມກັນຈັດຂຶ້ນ ເຊິ່ງການຈັດງານໃນຄັ້ງນີ້ ແມ່ນເປັນສ່ວນນຶ່ງຂອງກິດຈະກຳຕ່າງໆທີ່ຈະນຳໃຊ້ເຂົ້າໃນການປັບປຸງແນວພັນເຂົ້າ ແລະ ເພື່ອສ້າງຄວາມຍືນຍົງໃນການຜະລິດເຂົ້າໃຫ້ກັບກຸ່ມຊາວນາ ນຳໄປສູ່ການປູກເຂົ້າທີ່ມີຄຸນະພາບ ໄດ້ຮັບຜົນຜະລິດສູງ ມີລຳຕົ້ນທີ່ແຂງແຮງ ທົນທານຕໍ່ພະຍາດ-ສັດຕູພືດ ແລະ ສະພາບນ້ຳຖ້ວມ ມີລົດຊາດທີ່ແຊບ ແລະ ຫອມ.
ແຫ່ລງຂ່າວມາຈາກ:https://laopost.com/2016/04/20/54014

ປະຊາຊົນຮອ້ງທຸກຍອ້ນເອົານໍ້າກົດກ້ອນມາໃຊ້ຢູ່ສວນຢາງພາລາເຮັດໃຫ້ງົວຕາຍ

ເປີດຊອງຈົດຫມາຍຮອ້ງທຸກຈາກປະຊາຊົນເມືອງບາຈຽງຈະເລີນສຸກ ແຂວງຈໍາປາສັກໂດຍເນື້ອໃນລະບຸວ່ານັກລົງທຶນຕ່າງປະເທດຜູ້ທີ່ສໍາປະທານປູກຢາງພາລາຢູ່ບ້ານຫນອງສີມ, ບ້ານຫມາກແງວ, ບ້ານຫນອງຫົວຄວາຍ ແລະ ບ້ານອື່ນໆໃນເມືອງບາຈຽງຈະເລີນສຸກນັ້ນພວມນໍາໃຊ້ສານເຄມີປະເພດກົດກ້ອນ ເຊິ່ງພວກເຂົາເຈົ້າໄດ້ຂຸດເປັນຂຸມຫລາຍຈຸດຢູ່ສວນຢາງພາ ຫລັງຈາກນັ້ນໄດ້ເອົານໍ້າຂັງໄວ້ ແລະ ເອົານໍ້າກົດກ້ອນລົງແຊໄວ້ໃນນໍ້າເພື່ອລ້າງຖ້ວຍຢາງພາລາງ ຍິ່ງກວ່ານັ້ນຍັງຖິ້ມເສດຖົງຢາງທີ່ຫໍ່ກົດກອ້ນເຮ່ຍຢັງຢາຍຊະຊາຍ ເວລາຕໍ່ມາງົວຂອງປະຊາຊົນໄດ້ໄປກິນນໍ້າສານເຄມີຢູ່ຂຸມ ແລະ ກິນເສຍຖົງຢາງເຮັດງົວ ຫລື ສັດລົ້ມຕາຍຈໍານວນຫນຶ່ງ.

ທ້າວ ແມວ ກໍາມະກອນສວນຢາງພາລາບອກວ່າຕົນເອງມືເປື່ອຍ ແລະ ຮ່າງກາຍເກີດມີແຜເປັນຈຸດໆຍອ້ນລ້າງຖ້ວຍນໍ້າຢາພາລາທີ່ໃຊ້ນໍ້າກົດກອ້ນປົນກັບນໍ້າ ຖ້າບໍ່ປະຕິບັດຕາມເຈົ້າຂອງສວນຢາງພາລາທີ່ເປັນນັກລົງທຶນຕ່າງປະເທດນັ້ນ ເຂົາເຈົ້າກໍຈະໄລ່ອອກຈາກວຽກ ແຕ່ຕົນເອງຈໍາໃຈຕອ້ງເຮັດເພາະບໍ່ມີຄວາມຮູ້ຫນອ້ຍ ແລະ ບໍ່ຮູ້ວ່າຈະເປັນເຮັດຫຍັງຖ້າຖືກໄລ່ອອກຈາກວຽກ. ນອກຈາກນີ້ເຂົາເຈົ້າເວົ້ານາບຄູ່ວ່າຖ້າບໍ່ເຮັດຈະເອົາກໍາມະກອນນໍາມາແຕ່ຕ່າງປະເທດໂດຍກົງ ແລະ ກໍບໍ່ໄດ້ສົນໃຈເພາະພວກເຈົ້າບໍ່ມີຄວາມອົດຄວາມທົນ.

ສະນັ້ນ ຢາກວີງວອນໃຫ້ທາງຂັ້ນເທີງລົງໄປກວດກາເບິ່ງແນ່ ພ້ອມນີ້ກໍຢາກໃຫ້ທາງຂັ້ນເທີງລັກ ຫລື ຈອບໄປກວດກາເບິ່ງເພາະຖ້າໄປເບິ່ງຢາງເປັນທາງການອາດມີຄົນໂທບອກ ແລະ ມີການຈັດສາກໄວ້ຫລວງຫນ້າ ສຸດກໍບໍ່ຫຍັງຈະເຫັນເພາະເຂົາທໍາລາຍຫລັກຖານ ແລະ ອະນາໄມໄວ້ເພື່ອຕົບຕາ….ຫລາຍຊຸມປີຜ່ານມານັກລົງທຶນຈໍານວນຫນຶ່ງມັກເວົ້າເລື້ອຍໆວ່າການລົງທຶນບໍ່ແຕ່ພຽງພາກລັດໄດ້ຜົນປະໂຫຍດ ຫາກຍັງແມ່ນ ປະຊາຊົນໄດ້ຮັບຜົນປະໂຫຍດອີກດ້ວຍໂດຍຜ່ານການສ້າງວຽກເຮັດງານທໍາໃຫ້ປະຊາຊົນມີລາຍຮັບ. ແນວໃດກໍດີ ບາງນັກລົງທຶນຕ່າງປະເທດຍັງສວຍໂອກາດ ແລະ ຂີ້ຕົວະເປັນຕົ້ນພວກເຂົາເຈົ້າບອກວ່າແຕ່ກ່ອນພວກເຮົາຈະຮັບກໍາມະກອນທີ່ມີອາຍຸ 40 ປີລົງມາ ແຕ່ປັດຈຸບັນພວກເຮົາຕອ້ງການກໍາມະກອນອາຍຸພຽງແຕ່ 30 ປີລົງເພາະຄົນອາຍຸ 40 ປີເຮັດບໍ່ທົນ ແລະ ບໍ່ຖືກຕາມຈຸດປະສົງ

ໂດຍ:ສອດສ່ອງ

ຂ່າວຈາກ: ສຳນັກຂ່າວສານປະເທດລາວ

ແຫ່ງຂ່າວມາຈາກ:https://laopost.com/2016/04/24/54610

ນັກແລ່ນ ຈາກລາວ ເດີນທາງຮ່ວມຊີງໄຊລະດັບສາກົນທີ່ ສິງກະໂປ ໂອເພັນ 2018

ເມື່ອ​ບໍ່​ດົນ​ມາ​ນີ້ 5 ນັກແລ່ນທິມຊາດລາວ ນຳໂດຍ ນາງ ລົດແກ້ວ ອິນທະກຸມມານ, ທ້າວ ອານຸສອນ ໄຊສາ, ທ້າວ ອັກສອນສາດ ລາດສະວົງ, ທ້າວ ສີພາສຸກ ບົວວິໄລທອງ ແລະ ທ້າວ ສົມສະຫນຸກ ບົວວິໄລທອງ ໄດ້ເດີນທາງເຂົ້າຮ່ວມການແຂ່ງຂັນແລ່ນ-ລານລະດັບສາກົນ ລາຍການ ສິງກະໂປ ໂອເພັນ ຄັ້ງທີ 80 (80th Singapore Open Track & Field Championships 2018) ໃນວັນທີ 11-12 ເມສາ 2018 ນີ້ ທີ່ປະເທດສິງກະໂປ ໂດຍຈະຮ່ວມແຂ່ງຂັນ 9 ລາຍການຄື:

ນາງ ລົດແກ້ວ ອິນທະກຸມມານ ຈະລົງແຂ່ງລາຍການ 800 ແມັດ ແລະ 1500 ແມັດ

ທ້າວ ອານຸສອນ ໄຊສາ ຈະລົງແຂ່ງລາຍການ ແລ່ນຂ້າມຮົ້ວ 110 ແມັດ ແລະ ປະເພດທີມແລ່ນສົ່ງຕໍ່ໄມ້ 4×100 ແມັດ

ທ້າວ ອັກສອນສາດ ລາດສະວົງ ແລ່ນ 100 ແມັດ, 200 ແມັດ ແລະ ທິມແລ່ນສົ່ງຕໍ່ໄມ້ 4×100 ແມັດ

ທ້າວ ສີພາສຸກ ບົວວິໄລທອງ ແລ່ນ 100 ແມັດ, 200 ແມັດ ແລະ ທີມແລ່ນສົ່ງຕໍ່ໄມ້ 4×100 ແມັດ

ທ້າວ ສົມສະຫນຸກ ບົວວິໄລທອງ ແລ່ນຂ້າມຮົ້ວ 400 ແມັດ ແລະ ທີມຊາຍແລ່ນສົ່ງຕໍ່ໄມ້ 4×100 ແມັດ.

ການ​ແຂ່ງຂັນ​ຄັ້ງ​ນີ້ ຄາດວ່າຈະມີນັກກິລາເຂົ້າຮ່ວມຫລາຍພັນຄົນ, ຈາກຫລາຍປະເທດໃນທົ່ວໂລກ ຊີງ 36 ລາຍການ, ຍິງ 16 ລາຍການ, ຊາຍ 16 ລາຍການ.

ແຫ່ລງຂ່າວມາຈາກ:https://laopost.com/2018/04/11/100329

ທະນາຄານເອຊີລີດາ ສາຂາຄໍາມ່ວນ ວາງຕົວເລກຄາດໝາຍ ປ່ອຍສິນເຊື່ອໃຫ້ໄດ້ 66,465 ຕື້ກີບ ໃນປີ 2018

ຂປລ. ທ່ານ ບຸນລ໋ອງ ບຸຜາຄໍາ ຫົວໜ້າສາຂາທະນາຄານເອຊີລີດາ  ຈໍາກັດປະຈໍາແຂວງຄໍາມ່ວນໄດ້ກ່າວວ່າ:   ໃນ​ປີ 2018 ແຜນລະດົມເງິນຝາກຈະໃຫ້ໄດ້ 46,278 ຕື້ກີບ,  ດ້ານສິນເຊື່ອເງິນກູ້ຕາມແຜນການແມ່ນ 66,465 ຕື້ກີບ  ຜ່ານການຈັດຕັ້ງປະຕິບັດຕົວຈິງ ໃນໄຕຣມາດທີ 1  ດ້ານເງິນຝາກປະຕິບັດໄດ້  11 ຕື້ກີບທຽບໃສ່ແຜນປີ 88,75 % ,  ສິນເຊື່ອເງິນກູ້ປະຕິບັດໄດ້ 54,900 ຕື້ກີບ  ທຽບໃສ່ແຜນການເທົ່າກັບ 82,62 %.

    ​ເຊິ່ງ​ໃນປີ 2017 ຜ່ານມາອີງໃສ່ຜົນງານ ໃນການຈັດຕັ້ງປະຕິບັດຕົວຈິງ ສໍາລັບ ການລະດົມເງິນຝາກຂອງລູກຄ້າແຜນປີທີ່ວາງໄວ້ 47 ຕື້ກີບ ປະຕິບັດໄດ້ 41,7 ຕື້ກີບ ເທົ່າກັບ 88,72 %  ຂອງແຜນປີ, ດ້ານສິນເຊື່ອເງິນກູ້ແຜນປີ 58,1 ຕື້ກີບ  ປະຕິບັດໄດ້ຕົວຈິງ 60,7 ຕື້ກີບ ຖືວ່າໄດ້ລື່ນແຜນການ  ຫລື ເທົ່າກັບ 104,47 % ຂອງແຜນປີ  ສ່ວນສາຍເຫດທີ່ປະຕິບັດໄດ້ລື່ນແຜນ  ແມ່ນຍ້ອນການອໍານວຍຄວາມສະດວກ ຈາກພາກລັດໃນການດໍາເນີນທຸລະກິດ ບວກກັບຄວາມເຊື່ອໝັ້ນ ແລະ ຄວາມໄວ້ວາງໃຈຈາກລູກຄ້າ, ພະນັກງານແຕ່ລະຄົນແມ່ນເຮັດວຽກ ຢ່າງມີຄວາມຮັບຜິດ ຊອບສູງໃນການປະຕິບັດລະບຽບ ພາຍໃນຂອງທະນາຄານຢ່າງເຂັ້ມງວດ.  ສໍາລັບປີ 2017 ທີ່ຜ່ານມາທະນາຄານກາງ ໄດ້ວາງມາດຕະຖານ ອັດຕາຄວາມສຽງ ດ້ານການປ່ອຍສິນເຊື່ອ ( NPL )  ຢູ່ທີ 3 % ແຕ່ທະນາຄານເອຊີລີດາ ຈໍາກັດ  ສາຂາແຂວງຄໍາມ່ວນປະຕິບັດໄດ້ 0,29 %.  ສ່ວນຈໍານວນບັນຊີເງິນຝາກລູກຄ້າ ປະຈຸບັນແມ່ນມີເຖິງ 8.600 ກວ່າບັນຊີ.

      ພ້ອມ​ນີ້ ທ່ານ ບຸນລ໋ອງ ບຸຜາຄໍາ ຍັງ​ກ່າວ​ຕືມອີກ​ວ່າ:   ດ້ານການປ່ອຍສິນເຊື່ອແມ່ນສາມາດປ່ອຍກູ້ໄດ້ ຫລາຍແຕ່ທັງໝົດ ແມ່ນຂຶ້ນກັບການຄຸ້ມຄອງຂອງທະນາຄານ ທີ່ມີຄຸນນະພາບ ເຊິ່ງໃນການປ່ອຍສິນເຊື່ອ ໃຫ້ລູກຄ້າແມ່ນອີງໃສ່ຄວາມຮູ້ -ຄວາມສາມາດຕົວຈິງຂອງລູກຄ້າ ແຕ່ລະຄົນ ໃນການຊໍາລະເງິນຄືນທະນາຄານ  ເພື່ອຫລີກ ລ້ຽງຜົນກະທົບ ທີ່ຈະຕາມມາດັ່ງນັ້ນຈິ່ງເຮັດໃຫ້ຄວາມສ່ຽງຫລຸດລົງ. ສໍາລັບດ້ານການສະໜອງສິນເຊື່ອເງິນກູ້ ເພື່ອການດໍາເນີນທຸລະກິດທາງທະນາ ຄານຫລັກໆ ແມ່ນປ່ອຍກູ້ໃຫ້ທຸລະກິດຂະໜາດນ້ອຍ ແລະ ຂະໜາດກາງ SME ເຊິ່ງການອະນຸມັດວົງເງິນສິນເຊື່ອ  ຈະຂຶ້ນກັບເງື່ອນໄຂຂອງລູກຄ້າ ໂດຍຜ່ານການວິເຄາະຕົວຈິງ ຈາກພະນັກ ງານສິນເຊື່ອ ຂອງທະນາຄານຢູ່ພາກສະໜາມ ເຊິ່ງຈະສອດຄ່ອງກັບ ປະເພດທຸລະກິດໂດຍອັດຕາດອກເບ້ຍຈະຂຶ້ນກັບວົງເງິນ ໃນການປ່ອຍກູ້ຄື 15 ລ້ານກີບ ລົງມາແມ່ນກໍານົດ 01 ປີ, ຖ້າຫຼາຍກວ່າ 15 ລ້ານກີບຂຶ້ນໄປແມ່ນໄລຍະເວລາ 06 ປີ,  ສໍາລັບອັດຕາດອກເບ້ຍ 01 ປີລົງມາແມ່ນ 12 % ຕໍ່ , ຖ້າຫຼາຍກວ່າ 01 ປີ - 04 ປີແມ່ນ 13 % , ຫຼາຍກວ່າ 04 ປີ - 06 ປີແມ່ນ 13,5 % . ສ່ວນວ່າການຊໍາລະເງິນຄືນ ແມ່ນຂຶ້ນກັບເງື່ອນໄຂທຸລະກິດ ຂອງລູກຄ້າເຊັ່ນດຽວກັນ .

ແຫຼ່ງຂ່າວມາຈາກ : http://kpl.gov.la/detail.aspx?id=35439

ຂ່າວ-ພາບ : ແດງສະຫວັດ ແສນພານິດ